ژوندون که د الفت د باریکاتو نه خالی شی
په تش ګبین څوک څه که چی د شاتو نه خالی شی
زما اوستا تر مینځه د نظر جنګونه ډیر شه
او نور دی ټول وطن د واریداتو نه خالی شی
په مینه که ولی شوی خو جانانه دا هم واوره
نفرت سره ولی د کراماتو نه خالی شی
د کور خلق می ستړی په دمونو په ټوټکو شو
چی سر می ستا د مینی د جناتو نه خالی شی
د ښه وخت یاران ډیر دی او په سخته کښی څوک نه وی
تیارو کښی ائینه د کمالاتو نه خالی شی
په دغه کښی خو ژوند دے دغه نه غواړم شاهده
چی زړه د محبت د حادثاتو نه خالی شی
شاهد علی شاهد
No comments:
Post a Comment