په ډیرو تلوسو کښی می ارمان د خیره یو دے
یاران به می بلها وی خو جانان د خیره یو دے
یو نه دے ستا محل زما جونګړه خو جانانه
زما او ستا په سر باندی اسمان د خیره یو دے
زما د خلی خبره د جانان د خلی خبره
دوه خلی دوه پکښی ژبی خو بیان د خیره یو دے
په ښکلو هم تیږیږی په مئینو هم تیریږی
ګردش کښی د وختونو چی دوران د خیره یو دے
هم داسی د زمان او د مکان په قید کښی ښه یم
بیل بیل ښکاری صادقه ! خو زندان د خیره یو دے
حسین احمدصادق
No comments:
Post a Comment