ما د ورځی لټولو یار په هر مخ
روستۍ شپه کښی راته اوخودو دلبر مخ
که لرګے په خله کښی خله د تبر نیسی
زه د زړه پرهر کښی نیسم د خنجر مخ
ستا د حسن پلوشی زما زړا شوه
لکه ګل په پرخه ووینځی سحر مخ
کاږه غشی په لینده وروځو راکاږه
ما ملنګ ورته نیولے د ځیګر مخ
که په تور مخ سپینه خله راکړی ثواب دے
غرخو تور وی ښکلوی سحر د نمر مخ
په اهونو می اسمان لمنی سری کړی
په لوګو می لوغړن کړو د قمر مخ
په خلوت د زاهدانو صفا نه شو
شو تازه په میخانه د قلندر مخ
سلطان محمود قلندر
No comments:
Post a Comment