زړه به دی نه وی خو رضا به شی زه داسی یمه
ماسره مه کینه زما به شی زه داسی یمه
مه غنم رنګه داسی ړنګه غاړه مه راکوه
زما د هر ماښام سودا به شی زه داسی یمه
سترګو کښی دشت لهجی کښی تنده په نظر کښی لټون
راځه قربان خو وار خطا به شی زه داسی یمه
د لیونتوب پیښی می مه کوه خبره واوره
دا ټوقی نه دی په ریښتیا به شی زه داسی یمه
ته به وی څنګه چی ممتاز درګورم څنګه به شم
خو چی ما ګوری په ژړا به شی زه داسی یمه
ممتاز اورکزے
No comments:
Post a Comment